بعد نجع القات يسبون الإنتقالي

سؤال أوجهه للجميع..
كم. كل واحد منكم. يخزن في اليوم يعني كم قيمة القات ممكن تصارحوني..

سأحكي لكم عن نفسي
انا والحمد لله لي هذه السنة السادسة ما أخزن قطعته بالكامل..
قطعته وعاد الدنيا بخير..
وإخر تخزينة خزنتها قيمتها الف ريال وقات حلوا

اليوم انا مش عارف كم قيمة القات لإني ما أخزن..
وأشتري بقيمة القات مايفرح أولادي ويقتاتون به..

إقلعوا عن القات وأنا متأكد أنكم لن تسبوا للإنتقالي بسبب الوضع الإقتصادي وشرذمة أحذية عفاش في شبوة…
مش كل قواد راكع وخاضع لعفاش والإخوان قد نحن نسب الإنتقالي ونقول ماعرف يربي..
اللي ماربته أمه مايربيه الإنتقالي..
بس شوفوا كارثة بعد القات.

القات بلوى ياعيالي يخزن الواحد بعشرة إلف في اليوم وينجع إلا والمرة تقول له نشتي دقيق وسكر ورز نشتي حاجة للجهال فواكه وسروايل سراويلهم تقطعة..
الولد فيبه حمى يشتي علاج..
والبنت تشتي لها بعض الكماليات الصغيرة
الأولاد في المدرسة يحتاجون أقلام ودفاتر ومماسح.
طيب شف فاتورة الكهرباء كم طلعة..

وانت تخزن باليوم بعشرة إلف شف كم بالشهر..
وفي الأخير تصيح فوق الحرمة وتقول لها..
خلي لي حالي جني يبزك إنتي وعيالك من فين إقدر أجيب كل هذه المطالب..

وتأخذ تلفونك في الليل وتفتح النت وتبدأ تسب الإنتقالي مش بس كذا يزيد السب مش من وراء الحرمة لما تفتح الفيسبوك وتشوف أرامل عفاش في شبوة يعقدو إجتماع مجلسهم الوسواسي..
ولقيتها فرصة وهات لك ياسب وشتم وذولاك الأرامل مجموعة وقحة مافيش معهم حتى فصيلة مشاة..
وتشوف أن الإنتقالي هو السبب..
والحرمة طلعت لك الحموضة..
وبالخط العريض تنبح..

الغلاء الفاحش.
ماحصلنا ناكل عيالنا جياع.
حالتنا حالة
الأنتقالي بياع
الإنتقالي خاين
الإنتقالي لايحس بنا ونحن نتعذب..
الإنتقالي شقف شبوة..
ضاعت دماء الشهداء هدر..
فين راح تعب العمالقة..

ياوليد بطل القات وارضي زوجتك وعيالك مرة واحدة
وباتشوف الدنيا بخير والإنتقالي أغلى حبيب..

ياحبيب قلبي دلا دلا
أقل شي تخزن بالشهر بمية ألف او اكثر إشتري لعيالك حاجة تنفعهم وبطل السب والشتم للإنتقالي..
لإنه مش مسئول عن عيالك وطلباتهم وانت تقرط الفلوس من اللجع ذا إلى اللجع الثاني..

الله يهديك

كلامي صح والا أنا غلطان..