حط النقط فوق الحروف
الجريدة بوست
كلمات – مطيع المردعـي
ما عاد بانشرح أمور السالفة
اللعب ع المكشوف واعياني تشوف
يا من تمثلنا بأسمك والصفه
لابد من وضع النقط فوق الحروف
من واقع احداث الصدام المؤسفه
نتحتاج تصحيح المباني والسقوف
من قبل تتسبب قــوى متعجــرفــه
في هدم صرح الدار كامل دون خوف
نحنا دفعنا فيــه اغلا تكلـفـــه
من دم من ارواح تحسب بالالوف
هذا العبث لو ما قدرنا نوقفه
راحت جمالي من وراء ذاك الخروف
اليوم يا مولى القرون المقنفه
تشمخ انوف اليوم او تفحس انوف
عهدك ووعدك مستحيل ان تخلفه
ارجوك راقب حقلك الزارع وطوف
من قبل ما تأتي رياح العاصفه
تنسف سبولة زرعنا قبل القطوف
نحنا بنحمي حدها والطارفه
والعابثه داخل معي تحت السعوف
لابد من جوله سريعه خاطفه
يا قايدي نقطع بها بعض الكفوف
لا خير في بذره خبيثه تالفه
حان العمل وابدا بترتيب الصفوف
ما با تهزك يالحيود النايفه
بضعة ثعالب تستغل بعض الضروف